Social Media: Kalibutan sang Kabataan

Sa subong nga mga henerasyon

Damo ang nagabag-o sa aton

Bangod ini sa globalisasyon,

Sa ekonomiya naton.

Isa na diri ang teknolohiya

Nga patok nga patok sa masa

Bisan diin ka makadto, imo Makita,

Tagsa ka taho may “gadgets” na.

Hala! Pindot diri, pindot didto

Pirme na lang nga ginahimo ni Toto

Wala na ginagamit sang husto

Ay abaw! Si Toto daw si piho.

Ari pagid si Nene

Grabi kung mag post sa FB

Ay abaw! Tama gid ka sexy

Sa iya short kag spaghetti.

Si Inday nag post naman sa Twitter

“Feeling Hurt, Relationship is Over”

Hay! Wala kuno forever

Si Inday tama gid ka bitter.

Abi kamo nga mga kabataan

Dapat hagan-hagana nyo man

Isipa nyo sang husto

Kung maayo ang ginahimo nyo.

Oo, manami mag post sa FB

Tama ka sadya, “Feeling happy”

E post ang picture tapos “selfie”,

May caption pa “I’m Pretty”.

Dapat tandaan nyo

Ang social media ay pang publiko

Makita sang tanan, mga post nyo

Tani gamita ini sang husto.