Noon at Ngayon...

Noon…

Silid-aklatan lang tinatambayan

Libro at papel lang kinagigiliwan

Mula bahay hanggang paaralan,

Yan lang ang mundo ng mga kabataan.

Sa tuwing may takdang-aralin

O may importanteng Gawain

Sumangguni lang sa silid-aklatan

Maghahanap ng sagot sa mga katanungan.

Ngayon…

Malaki na ang pinagbago

Ibang-iba na an gating mundo

Dahil ito sa social media

Mula sa ating teknolohiya.

Facebook, Twitter at Wikipedia

Instagram, Friendster marami pang iba

Nilamon na ang mga kabataan ng sistema

Dahil ito sa iba’t-ibang social media.

Tablet, Laptop at cellphone

Ito na ang uso ngayon

Kaya karamihan sa mga kabataan,

Kanilang pag-aaral ay napapabayaan.

Imbis na gamitin sa wasto

Kanila itong inaabuso

Hindi na nag-iisip ng matino,

Kung nakakabuti pa ba ito.

Hindi masama ang pagbabago

Kung alam mong mag balanse nito

Kung kailan at paano,

Kung hindi ba makakasira ng yong’ pagkatao.

Kaya mga kabataan

Gumising sa katotohanan

Huwag magpapalamon sa sistema,

Ng ating social media.